Сопственици на удели во Фондот можат да бидат домашни и странски институционални и индивидуални инвеститори на кои им е дозволено да вложуваат согласно законската регулатива. Единствено ограничување е минималниот износ на почетното вложување. Инвестиционата стратегија на Фондот и изборот на финансиски инструменти сугерира вложување на краток рок без однапред дефиниран период на инвестирање, односно Фондот е наменет за инвеститори кои сакаат да ги вложат своите средства на период пократок од 1 година.
Основна задача на Друштвото е да ги вложува прибраните средства на финансиските пазари со цел да оствари максимален можен принос за имателите на удели во Фондот, притоа почитувајќи ги постоечките ограничувања на вложувањата, како и потребите за ликвидност и сигурност на пласманите. Стратегијата на избор на инструменти од кои ќе се гради портфолиото на Фондот содржи најниско ниво на ризик.
Друштвото ќе ги инвестира средствата на Фондот во следните инструменти:
- - Вложувања во краткорочни и долгорочни должнички хартии од вредност на издавачи од РС Македонија, Хрватска, Србија, Црна Гора, Албанија, Босна и Херцеговина, Украина, Руската Федерација, Казахстан, Бразил, Индија, Кина, Европската Унија, и OECD;
- - Вложувањата во должнички хартии од вредност издадени од РC Македонија, земји членки на Европската Унија и OECD може да надминат 35% од имотот на Фондот.
- - Вложувања во депозити кај овластени банки од РС Македонија со рок на доспевање пократок од една година.
- - Вложувања во отворени инвестициски фондови со најниско ниво на ризик кои вложуваат исклучиво во депозити и должнички хартии од вредност под услов да не наплаќаат трошоци за управување повисоки од 1% од нето вредноста на имотот на Фондот.
| КБ Инвест ПАРИЧЕН |
20% |
65% |
35% |
80% |
0% |
10% |
Индикатор за синтетички ризик
Индикаторот за синтетички ризик го прикажува соодносот на потенцијалниот ризик и потенцијалниот принос на инвестициите во фондот врз основа на историските податоци за движењето на цената на уделот.
Главните извори на ризик за Фондот и нивното значење се прикажани во следната табела:
| Пазарен ризик |
Низок |
| Ризик од промена на каматни стапки |
Умерен |
| Кредитен ризик |
Низок |
| Валутен ризик |
Низок |
| Ризик од предвремено плаќање |
Низок |
| Политички ризик |
Умерен |
| Ризик од промена на даночни прописи |
Умерен |
| Ризик поврзан со ликвидноста |
Низок |
Уплатата на средства се врши на сметката на отворениот фонд КБ Инвест – Паричен во Комерцијална банка АД Скопје, жиро сметка: 300000003236732.
1.000,00 денари
На годишно ниво Друштвото наплатува надоместок за управување со средствата во висина од 1,0% од вредноста на имотот на Фондот.
На товар на имотот на Фондот, Друштвото на депозитарната банка ѝ плаќа надоместок од 0,17% на годишно ниво од висината на вредноста на имотот на Фондот на денот на вреднување.
Надоместокот за издавање удели не се наплатува.
Надоместоци за откуп и исплата не се наплатуваат.