Сопственици на удели во Фондот можат да бидат домашни и странски институционални и индивидуални инвеститори на кои им е дозволено да вложуваат согласно законската регулатива. Единствено ограничување е минималниот износ на почетното вложување. Инвестиционата стратегија на Фондот и изборот на финансиски инструменти сугерира вложување на среден рок со однапред дефиниран период на инвестирање, односно Фондот е наменет за инвеститори кои сакаат да ги вложат своите средства за период над 2 години.
Основна задача на Друштвото е да ги вложува прибраните средства на финансиските пазари со цел да оствари максимален можен принос за имателите на удели во Фондот, притоа почитувајќи ги постоечките ограничувања на вложувањата, како и потребите за ликвидност и сигурност на пласманите. Стратегијата на избор на инструменти од кои ќе се гради портфолиото на Фондот содржи средно ниво на ризик, кое е повисоко од ризикот карактеристичен за паричните фондови или, пак, за фондовите кои инвестираат исклучиво во должнички хартии од вредност, а во исто време е понизок од ризикот на оние фондови кои најголем дел од средствата ги инвестираат во акции.
Друштвото ќе ги инвестира средствата на Фондот во следните инструменти:
- - Вложувања во акции на издавачи од РС Македонија, Хрватска, Србија, Црна Гора, Албанија, Босна и Херцеговина, Украина, Руската Федерација, Бразил, Индија и Кина;
- - Вложувања во акции на издавачи од земјите членки на Европската Унија и OECD.
- - Вложувања во должнички хартии од вредност на издавачи од РС Македонија, Хрватска, Србија, Црна Гора, Албанија, и Босна и Херцеговина;
- - Вложувања во должнички хартии од вредност на издавачи од земјите членки на Европската Унија и OECD;
- - Краткорочни должнички хартии од вредност на издавачи од РС Македонија;
- - Вложувањата во должнички хартии од вредност издадени од РС Македонија, земји членки на Европската Унија и OECD, може да надминат 35% од имотот на Фондот.
- - Вложувања во депозити кај овластени банки од РС Македонија со рок на доспевање пократок од 1 година;
- - Инструменти на пазарот на пари кои се тргуваат на организирани пазари, издадени од издавачи од РС Македонија, како и државите членки на Европската Унија и OECD.
- - Вложувања во инвестициски фондови кои претежно инвестираат во акции на издавачи од земјите од Југоисточна Европа, Украина, Европската Унија, OECD, Бразил, Кина, Индија, САД и Руска Федерација под услов да не наплатуваат трошоци за управување повисоки од 2,5% од нето вредноста на имотот на фондот;
- - Вложувања во инвестициски фондови кои претежно инвестираат во должнички хартии од вредност на издавачи од земјите од Југоисточна Европа, Украина, Европската Унија, OECD, Бразил, Кина, Индија, САД, и Руска Федерација под услов да не наплатуваат трошоци за управување повисоки од 2,5% од нето вредноста на имотот на фондот.
| КБ Инвест БАЛАНСИРАН |
35% |
65% |
35% |
65% |
0% |
30% |
0% |
10% |
Индикатор за синтетички ризик
Индикаторот за синтетички ризик го прикажува соодносот на потенцијалниот ризик и потенцијалниот принос на инвестициите во фондот врз основа на историските податоци за движењето на цената на уделот.
Главните извори на ризик за Фондот и нивното значење се прикажани во следната табела:
| Пазарен ризик |
Висок |
| Ризик од промена на каматни стапки |
Умерен |
| Кредитен ризик |
Умерен |
| Валутен ризик |
Низок |
| Ризик од предвремено плаќање |
Умерен |
| Политички ризик |
Умерен |
| Ризик од промена на даночни прописи |
Умерен |
| Ризик поврзан со ликвидноста |
Низок |
Уплатата на средства се врши на сметката на отворениот фонд КБ Инвест – Балансиран во Комерцијална банка АД Скопје, жиро сметка: 300000002915662.
1.000,00 денари
На годишно ниво Друштвото наплатува надоместок за управување со средствата во висина од 2,5% од вредноста на имотот на Фондот.
Друштвото на депозитарната банка ѝ плаќа надоместок на годишно ниво во зависност од висината на вредноста на имотот на Фондот на денот на вреднување, со примена на следниве стапки:
- До 1.000.000.000,00 денари 0,21%
- Од 1.000.000.001,00 – 1.800.000.000,00 денари 0,19%
- Над 1.800.000.001,00 денари 0,17%
Надоместокот за издавање удели се пресметува на вкупниот износ на уплатата, со примена на следниве стапки:
- До 99.999,00 денари 3,5%
- Од 100.000,00 денари до 499.999,00 денари 3,0%
- Од 500.000,00 денари до 999.999,00 денари 2,5%
- Од 1.000.000,00 денари до 2.999.999,00 денари 2,0%
- Од 3.000.000,00 денари до 4.999.999,00 денари 1,0%
- Над 5.000.000,00 денари 0,5%
Надоместоци за откуп и исплата на удели од Фондот (односно излезна провизија) ќе се наплатуваат доколку се повлечат инвестираните средства во рок пократок од 1 година од моментот на купување удели во Фондот.
- До 1 година 1,00%
- Над 1 година 0,00%
* Друштвото го задржува правото да го намали или во целост да го ослободи клиентот од плаќање надоместоци за издавање на удели со претходна писмена одлука на Одборот на директори.